Ipinakita ng Gilas ang tibay at tiyaga ng mga Pilipino dahil sa kanilang depensa at sharpshooting upang makabangon sa 13-point deficit laban sa Qatar sa FIBA World Cup 2019 Asia Qualifiers na ginanap nitong ika-12 ng Setyembre sa Smart Araneta Coliseum, Quezon City.

​

Nahirapan ang Gilas sa unang half ng laban dahil sa walang humpay na three-pointers at drives ng Qatar subalit nakabawi ang Pilipinas sa ikatlong quarter at tuldukan ang laro ng may kalamangang 11 puntos.

Pumarada si Alexander Cabagnot ng 16 puntos, 4 rebound, 3 assists at steals sa isang maliksing pickpocketing na laro na sinuportahan ng lakas ni Japeth Aguilar sa post at naglista ng 16 puntos at 9 boards kasama ang 13 puntos ni Stanley Pringle.

​

Kumana naman ang star player ng Qatar na si Mohd Mohmmed ng 26 puntos, 7 rebounds at 5 assists kasama ang double-double ni Tanguy Ngombo na may 17 puntos at 10 boards at ang 17 puntos at 2 blocks ni Nasser Al-Rayes.

Pinangunahan ni Pringle ang opensa sa ika-apat na quarter na sinundan ng 2 lay-up ni Aguilar sa unang 3 minuto ng quarter na tumungo sa isang 7-2 run, 74-66, na dinagdagan ng 4 made free throws ni na tinapos ni Aguilar gamit ang mid-range jumper para makakuha ng doube-digit lead sa kalagitnaan ng 4th quarter, 80-69.

Pinagpatuloy ng Gilas ang kanilang pagdomina sa huling 5 minuto ng ika-apat na quarter sa pamamagitan ng mid-range shooting at dunks upang tapusin ang laro, 92-81.

​

Nang tanungin si Pringle sa kanilang adjustments na gagawin sa ikalawang half ay sinabi niya na kailangan nilang kumuha at maghanap ng high percentage shots para makabalik sa laro.

​

Nagrally ang  Qatar sa ikalawang quarter sa pangunguna ni Al-Rayes nang ipasok niya ang 4 na free throw na nagbigay lakas sa kanyang mga kasangga upang tumulong at magpaulan ng mga mid-range at three-pointers na may kasamang layup ng iba’t ibang key players.

​

Nangunguna ang gilas sa unang 4 na minuto ng opening quarter hanggang sa tinumbok sila ng three-pointer ni Al-Rayes na naging hudyat ng pagpapaulan pa ng mga tres ni Mohmmed at Ngombo at isa pang mid-range ni Mohmmed para makakuha ng 11-0 lead sa Gilas ika-apat na minute ng quarter, 8-18 na nagpatuloy hanggang sa huling sandal ng unang quarter, 15-26.

​

“Gagawin naming lahat para lahat ng laro naming ay ganito at makapasok sa FIBA World Cup para sa ating bayan,” gunita ni Cabagnot pagkatapos ng laro.